Lo ball de bastons es una dança ont los dançaires tenon de bastons dins las mans, e los fan esclapetar en marcant lo ritme de la melodia que sona en tot combinant los còps amb los movements del còrs.

De referéncias sus l'origina del ball de bastons, n'i pas gaire. D'unes istorians que i a ne dison qu'èra un rite agrari, mas d'autres, qu'aquò èra una mena d'entraïnament dels soldats en temps de patz. Aquesta dança es coneguda dins diferents pòbles d'Euròpa, coma en Anglatèrra, en Olanda, en Navarra, en Castelha, mai sustot en Catalonha ont gausís d'una granda popularitat. Òm pòt afirmar que lo ball de bastons es la dança catalana tradicionala mai anciana que se dança encara: las primièras referéncias escrichas datan del s.XII.

"Els Ceballuts", bastoners de la ciutat de Sant Feliu de Llobregat (a rasís de Barcelona), es un grop de dança qu'executa aqueste ball de bastons. Son qualques 12 gojats e gojatas que vestits en costume tradicional dançan de coregrafias en passa-carrièras o sus l'empont. Son acompanhats per de musicians que tòcan la gralla e lo tabal (una mena de tambor). La gralla, lo graile catalan, es un estrument de vent-fusta, d'enche doble e amb un son fòrça agut e estrident. Es l'estrument tradicional mai popular en Catalonha e la musica que s'utiliza es aquela del repertòri tradicional e folcloric de pertot en Catalonha.

Los bastoners de Sant Feliu an fach de representacions dins diferentas vilas coma Barcelona, Reus, Segòvia... mai o pòdon far tanben dins la tiá! Se volètz prene contacte amb eles, o podètz far a:

corrèu electronic: bastoners@santfeliu.net
telefon: +34 93 685 32 42 (Ateneu)
fax: +34 93 632 72 19
adreiça: Vidal i Ribas 25 - 08980 - Sant Feliu de Llobregat, Barcelona (CATALONHA)